X
تبلیغات
مداحی و مرثیه سرایی ترکی - مجموعه اشعار امام موسی بن جعفر (ع)

مداحی و مرثیه سرایی ترکی

معرفی مداحان و شعرای آذری

شهادت حضرت موسی بن جعفر (ع) اثر آقاي هادي

ئولورم  تنگه دوشوب روح و روانیم آنا گل

یغشوب  سینمه  ایستور  چیخا  جانیم آنا گل

دئمورم منله  گلوب  سجن محنده اولاسان

دئمورم  پیک  اجل  داده  گلنده  اولاسان

دیـورم  باشیم  اوستنـده  ئولنـده  اولاسان

گورم اوّل سنی اوندان چیخا جانیم آنا گل

آخرین دم باخا یورقون گوزوم آغلارگوزوه

قـولاقیم  سامع  اولا   سن  دانشـانـدا  سوزوه

گورسدیم  قمچیلرین  ردّینی  بیـر بیر  اوزوه

چوخ  یوبانما  قوتاروب تاب  و توانیم آنا گل

قوری یرده دونورم صاق صولا جان اوسته اوزوم

ولی  دوندوقجه گوزتلور  در  زنـدانی گوزوم

ئوزوجودیم کیمی زندانی اولوب دلده سوزوم

دیـه  بلمـور  سـوزومی  اوتلـی   زبانیم آنا گل

آدوی  ورد  ایلیوب  راز و  نیاز ایلیورم

در امیدی  بو  پاک  آدیله  باز  ایلیورم

گر چه  پیرم  گنه  احساس  نیاز ایلیورم

سسلنور جسمیده یورقون ضربانیم آنا گل

حبسیده پیکریم آزقالدی که جاندان دوشسون

یورولوب مرغک روحیم طیراندان دوشسون

شریانیمده  کی  قانیم  جـریاندان  دوشسون

هله  شـریانیده   سیرینـده دی  قانیم آنا گل

بـو قرانلوقـدا  نـه احوالیمی دل اهلی بلور

نگران گوزلریمون اشگینی بیر کیمسه سیلور

نفسیم  تنگه  دوشوب  گاه  گلور گه کسیلور

قصدون اولسا گله سن آزدی زمانیم آنا گل

سن که  یاده  سالوسان  غربیـده  بیگانه لری

روحون  آواره  گزور  شرقیـده  ویرانه لری

آدوی یوزده یازوب گوزیاشیمون دانه لری

من سنون   ئوز  بالوام  دلـده فغانیم آنا گل

نگرانم اودی که ترک ایلمور جسمیمی جان

اینجدور ئوز نفسیم  روحیمی چیخمور آسان

رو بـه قبلـه  ایلیـن  وار نـه  الیمـدن یاپشان

واردی نه قاری ، نه ده فاتحه خوانیم آنا گل

چوخ  ائلیم  واردی  وار  آغلیانیم کیم اولاجاق

گوروب  احوالیمی  دل داغلیانیم کیم اولاجاق

جان  چخاندا  گوزومی  باغلیانیم  کیم اولاجاق

سنه  چاتدی گنه  جان  اوسته گمانیم آنا گل

من  او  ماهم باتورام تاپمورام اولدوزلاریمی

قویمشام   گوزلری  یوللاردا  آدامسیزلاریمی

سالمورام  یادیمـه  حتی  نگـران  قیزلاریمی

انتظـارم   سنـه  آی  نـام  و  نشانیـم آنا گل

او قـدر  آغلامیشـام  غم  قاریشوبدور  قانما

قصـد لله ائـله جان اوستـه نـنه گـل  یانما

نجه گور رخنه ایدوب رنج رطوبت جانیما

سالدی  دلدن  بو  رطوبتلی مکانیم آنا گل

شهادت حضرت موسی بن جعفر (ع) اثر آقاي هادي

 بعضی بشر عالم بوئی شرمنده دی دائم

مظلوم  قباقنـده  سـرافکنده  دی دائم

حاکم لره ظالملره چون بنده دی دائم

انصافی  اسارتده  ئوزی  شهرت اسیری

قدرتدی بو ارذل صفت انسانون امیری

 

تابع  اولی  بو کس  بلی قدرت قاباقندا

یاددان چیخادوب عزتی شهرت قاباقندا

قربـان ایلیـوب  غیـرتی  ذلت  قاباقندا

دین  و شرفین  شهرت  دنیایه  ساتوبدی

بلمورئوزی بازنده دی غفلتده یاتوبدی

 

عارف  ولی  آگهدی  بو  دنیا بئله قالماز

ظالملر  الندن  ئودی  هرگز  صله آلماز

دنیا  هوسیلن ئوزینی  داغ  داشا چالماز

ئوز مقصدینون سیرینی هرگز عوض ایتمز

الله  یولونی  طی  ایلیر  کج  یولا گیتمز

 

دونمز  ره  حقـدن  ایلیر   ظلمی  تحمل  

جسمنده چکر قمچیلرین ضربه سی گوی گل

زنـدانـدا  ایـدر  زینبـه   ظلمتده  توسل

یوز شامه  طرف دوندرر اول مرد مودب

آهسته دیر هاردا قالوبسان   بی بی زینب

 

یالوارماز  اگر  یانسادا   قمچیله  وجودی

تقدیس  ایلیر   لعـل  لبـی  حی  ودودی

سنماز نه ستم  چکسه نماز  اوسته سجودی

ذکره قاریشار قالتدقیجان سوز و گدازی

دشمن لـره   تاثیـر  ایلیـر  راز  و نیـازی

 

کیمدور سوزی گلدی بیله سربسته قلمده

زندانیده  مستغرق  اولوب محنت و غمده

هانسی گنه اوستنده  قالوب سجن ستمده

قوی فاش ایلیوم کیمدی بو بی یاورو بی کس

زهرانون عزیزی اوغلودی موسی یری محبس

 

گوز  یاشنی سجادیه      گوزلردن اَللردی

سجاده نی  مرطوب ایلیوب  اشگه   بَلردی

ظلمت گجه لر  ناله  سسی  غملی  گَلردی

نالـه سسی   زنـدانـه  سـراسـر  یاییلاردی

فوراً  یوخودان  سِنـد  ستمکـار  آییلاردی

قویمازدی  ایـده  ساحت  سبحانه  ستایش

ایـذا  ایلیــردی   او  شهـه  وقت  نیـایش

قمچیلـه ایـدردی   اَرین  جسمی  نوازش

صبر  دل  زهرانی   اونون  ظلمی آلاردی

هر  نالـه  سسی  لـرزه سماواتـه  سالاردی

 

اسلامه  گوره  نوشیدی  هر نیش  جسارت

زحمتله  ایدردی  او  قدر  ضربیـه  طاقت

انسانـلارا   معلـوم  اولا  تـا  ارزش  طاعت

یورقون  بدنی  قمچیلر  آلتـدا  آلیشاردی

قمچی  سسینه  ذکـر  و  توسل  قاریشاردی

 

پایانه ویروب سجده نی سجاد ه نون اوسته

گوزیاشلی اورک غملی اوزی قلبی شکسته

باش سجده ده باشلاردی  مناجاته او خسته

آغلاردی بلوط تک گوزینون یاشی یاغاردی

دردی  اریدوب   پیکـرینی  باشی آغاردی

 

اولموشدی  ایشی  ذکـر و دعا نالۀ  جانکاه

گوز یاشلی  قرانلوقدا  دیردی او دل آگاه

ای گوگلری داغ داشلاری خلق ایلین الله

سندن صورا  فریادیمی  زنداندا آلان یوخ

سن یاد ائله یارب منی بیر یاده سالان یوخ

ای  حکمتی تغییـر  ویـرن  سیـر  زمـانـی

ای نظمیلـه ترتیبـه سـالان نظـم جهـانـی

وی  پیکره  تـزریق  ائلیـن روح  و  روانی

رحم ایله داخی جسمیده روحیم یورولوبدی

عمرم  گلی  آفت زده گل مثلی سولوبدی

 

ای  ساحتینـون  سّـری سـر آغـازجـوانی

وی بذل ایلیوب  سلب ایلین تاب و توانی

شریانیـده   ایجـاد  ایلیـن  قـان  جـریانی

یورقون  ضربانیمده  ثنـا  واردی  دعـا وار

عرضیم بودی الله منی ئولدورداخی قورتار

 

ای  بیکس  و  بی یـار  صـداسین  آلان الله

درمانـده لـرون فکـرینـه  دائـم  قالان الله

ای جان ویروب اوز ویردیگی جانی آلان الله

آل  جانیمی  راحت  ایله  موسانی  قفسدن

قلبیم  آلیشـور  سینه ده  بو  اودلی  نفسدن

 

ای  خاک سیـه ده یـاردان  روح  بهـاری

همـراه  ایلیـن گلشـن  آرا  لالیـه  خـاری

آسایش ایچـون خلـق ایلین لیل و نهـاری

زنجیر  آلوب  طاقتیمی  یـول  گیـده  بللم

ئولدور منی دای قمچیلره  تاب ائـده بلمم

نالـه  ایلیوب  هی  چکـورم  آه  دیـریندن

سندن صـورا امـداد منـه یوخدی بیریندن

هر قمچی دگور اود اوجالور سانکی  یریندن

بیر حاله سالوب غم یوزومون رنگی سولوبدی

جسمیم بی بیمون قوللاری تک یول یول اولوبدی

 

هارون کیمی هیچ کیم اروگه اوخ ساچا بیلمز

درک  ایلمـور آهـو  یـارالانسا   قـاچـا  بیلمز

بیر قوش  که  سنا بال و پری  پر  آچا بیلمز

انصافی  اولان  حبـل  حیانـی  بیلـه  قیرماز

قوش که قفسه  دوشدی قفسده اونی ویرماز

 

اولسـا  نقـدر  سنگ  دل  عـالم   آرا   صیـاد

صیدی   قفسه   سالسا   قفسـده   قویـار  آزاد

اولسون گـوروم الله بـولارین ایـولری برباد

گـل  بـوتـۀ  انصـافـی جفائیلـه  قیــروللار

زندانیـده هـرگـون مـن مظلـومی ویراللار

احوالات حضرت موسی بن جعفر(ع)

نوحه جوشی اثر آقاي هادي

موسی بن جعفرم من زار  و خستـه

زنـدانـدا   قالمـشام  قلبی  شکستـه

گوزوم یولدا قالوب ظلمت مکاندا

جان چیخور بیرکسیم یوخ باشیم اوسته

آه و واویلا یا بنت طاها                  دوشدوم نفسدن گل داده زهرا

 

 

موسی بن جعفرم جان  لبلریمده

سزلدور  یاره لـر گل   پیکریمده

نفس  گلمور  دئیم   گل آنا زهرا

سوزوم گره لنوب اوزحنجریمده

 

سارالان گل کیمی رنگیم قاچوبدی

قلبیمـه  غم  بـلا  تیـرین  ساچوبدی

ایاقـدا   سلسلـه  بـوینـومـدا  کنـده

پیکریم قمچیدن گوی گل آچوبدی

 

گوزوم غم گوهرین هی ایدور رایج

اورگ قانه  دونوب    یوخدور  نتایج

بیـر  نفـر  کاش   دیـه   آنـام   بتـوله

آدامسیز  جـان  ویـرورباب  الحوائج

 

من کیمی دللری داغلیان اولماز

ئولسم گوزلریمی  باغلیان اولماز

اوزوم  حالیمـه عـزا  دوتموشام

غریبم  چون  منه  آغلیان  اولماز

 

بیر کسیم یوخ اورک داغلاسون منه

ئولنـده  دستـه گـل بـاغلاسون منه

قیزلاریم  اولمـادی  باشیمون  اوسته

رطـوبتلـی  زنـدان   آغـلاسون منه

 

گوزوم یاشین گوروب سئللر اوخشاسون

دورمـده   یوخ   منی  ائللر   اوخشاسون

قـویـانـدا   قبـره   بـو   غریب   ئـولنی

اولمـاسـا  اوخشیـان   یللـر  اوخشاسون

 

دئسون  دل ملکینـون  مـارالی  لایلای

وطننـدن    دوشن      آرالـی    لایلای

                                      اون  بیـر  آغلیـان  قرانلـوق     یـرده

قمچیلـر   یـورقـونی   یـارالی  لایلای

 

 

احوالات حضرت موسی بن جعفر(ع)

نوحه -جوشی اثر آقاي هادي

 

 

 زنـدانیـم زهـرا ننـه  یاد ایله  نالان اوغلوی

گل گور نه احواله قویوب غربتده زندان اوغلوی

 

سیلی دگن   رخسـاریدن   آئینـه شکسته یم

سقل الحدید آلتندیام  عنقای  شهپر بسته ایم

یوروقون گوزوم ایستور آخا تز گل ننه چوخ خسته ایم

دیلدن سالوبدی محنت جانسوز دوران اوغلوی

هر قمچی ردین جسمیده گورسون چیچک شکلینده دی

هر بیـر چیچک نجم اولسا گر  جسمیم فلک  شکلینده دی

نجم و فلک یوخ پیکریم  باغ  فدک شکلینده دی

اوخشور فدک ایچره سولان پژمرده ریحان اوغلوی

اشگیم ویرور سو جسمیمین گلزارین آباد ایلیور

جسمیم سزلدور سربسر دیل سانکی  فریاد ایلیور

کیم گورسه یول یول جسمیمی زینب قولین یاد ایلیور

عممده دیلده ورد ایدوب اوخشور بو نالان اوغلوی

قلبیمده هر  بیر  ساعتین آلامی وار  ایذاسی وار

جسمیمده هر گون قمچینین گوی خطیلن امضاسی وار

امضالـرین  ایـذالرین  آثـارینیون   معناسی وار

جان اوستیم درک ایت آنا قرآنه قربان اوغلوی

وادار  اولوب  بیکس بالون مسموم خرمانی ییه

بیر ایش گوروب مسمومیت قادر دگل  دیل سوز دیه

ویرانسراده  گوئیـا  عمم  دوشوبـدور سجـدیه

سالمش یوزی اوسته ایله زندان ظلمان اوغلوی

سند ابن شاهک قمچسی اود تک وجودیم داغلیور

گه یول چکور اندامیمه گوی  خطیلن  گه  باغلیور

جسمیم  سزلدور  گوئیا  نازلی   رقیـه آغلیور

زندانیده یوخ یاد ایدن بو صبری تالان اوغلوی

زندانه گل بیر بیر  دیوم  سند بن  شاهک  نیلور

دوشسم ئوزوم دلدن اگر احوالیمی رنگیم دیور

قولاری  باغلی  سیدی  ورماق مگر فخر ایستیور؟

قمچی نه لازم ئولدوروب مرطوب زندان اوغلوی

گیسوی هجرانه اورک بندین شبانه باغلارام

سیل  سرشگی چشمۀ  دلدن  جماله  باغلارام

بیکس  قالان قیزلاریمه ظلمتده گزلین آغلارام

هیچ سنده یاده سالموسان بو دیده گریان اوغلوی

جان چاتدی سولمش لبلره باش  چکمدون نینک منه

بیر  خواهشیم وار  آخرین لحظه جان اوستنده سنه

زندانه گلمک سختیدور قیزلاریمه باش  چک ننه

بی صاحب ایوده گوزلیور آواره طفلان اوغلوی

گرچه نحیف اندامیمین مرطوب یرده زجری وار

اما بو زجرین شیعیـه  بیـر گون  امید  فجری وار

بی کس قالان قیزلاریمون حالین سورشسون اجری وار

غرق مباهات ایت ننه بو قلبی لرزان اوغلوی

گتسون دیمم  قیزللاریمه  بیر  هدیه بهتر آپار

محتاج اولوبلار هیچ دیمم الده گوهر یا زر آپار

امکانون  اولسا  بیر نچه  چادر  آپار  معجر آپار

بیرده گورنمزلر  بویور بو سینه سوزان اوغلوی