مداحی و مرثیه سرایی ترکی

معرفی مداحان و شعرای آذری

احوالات حضرت رقیه (س)

با مقدمه اجتماعی اثر آقای غفاری

قلبیم   آلیشوبـدی   بـارالها

بیـر عـده  جماعتین الیندن

دنیـانی دوتـوبدی  ابر تیره

پستـی  و    رذالتیـن الیندن

عالِملـره تنگ اولوبـدی عالم

اربـاب    جهـالتین   الیندن

مسجده ده  قالمیوب قـداست

هر گوشه ده  غیبتین  الیندن

منبر  داریخوب  مناره آغلور

بیهـوده   نصحتین  الیندن

 

 

 

 

 

یازدوق اوخودوق ایگیرمی بش ائیل

گویا هاموسی ثمرسیز اولدی

حلوا کیمی سوزپیشیردی شاعر

بو جامعـه ده  شکرسیز اولدی

دوز  یوللارا کورپی یوخدی گویا

عرفان آغاجی ثمرسیز اولدی

علت ندی بیلمورم فاسدین

یوللاری بوتون خطرسیز اولدی

دوز کسبه علاقه اولدی کیمده

درد  آلـدی   طبابتین   الیندن

تکرار    مکــرر   اولدی  دائم

بو   ملته  طرز   زندگانی

یول باغلیدی شهر شور و عشقه

اندیشه   اولوبدی  بایگانی

هیچ کس اولا  بیلمیور  ستاره

زندانه   سالوبلار   آسمانی

شایسته لرین یرین دوتوبدی

تبعیض  و  تملق  و    تبانی

خوش حالینه ئولدی گیتدی هر کیم

راحتـــــــــدی  بو  ذلتین  الیندن

دوزدور کی  چاتوب رفاهه آدم

اما    ئولوب   اصل  آدمیت

سطحی نگر اولدی بس کی ملت

سیرتلره غالب اولدی صورت

رحمین  قوریوبدی  خول بوداغی

افسانه     مثالیدور   کرامت

اوچ قارداش ئولوبدی یوخدی قبری

وجدان و عدالت و صداقت

شایدده   اولوبدیلار   فراری

مین یوزلی جماعتین الیندن

هرکس دیدی واردی احتیاجیم

دوندردی یوزین تانیش یاد اولدی

کیم باشرف اولدی دوز دانشدی

بیچاریـه   دوزلیگ    ایراد اولدی

بو   رسمیدی   آلچاقا   همیشه

ئوزگه چورگینده چوخ داد اولدی

علت  اودی  قالدی   یحیویلر

بو  شهریده  ئوزگه دن  آد اولدی

چوخ لطمه دگوبدی اردبیله

کمبود  عـــدالتین   الیندن

ای  امت   با   وفای اسلام

قرآن  بیزه  سنگر  شرفدی

تقوا  و  عدالت  و   شرافت

ارثـیۀ    شـاه     لوکشفدی

نیلوم کی بیر عده وصله مثلی

بـو   ملتـه   مایـۀ   اسفدی

قارداش تانیماز مقامه خاطر

دشمن  قاباقیندا بی طرفدی

آل دینینی الدن آلما اما

کرسی   ریاستین  الیندن

باخما    شهدایـه  جبـهه لرده

قانـه  بـویانـلار   عزت اوسته

ناموسیمیزی گوروب خطرده

باشدان چوخی کیچدی غیرت اوسته

انسان تانورام کیچر  وطندن

آند اولسون حسینه شهرت اوسته

ئوز  جبهه  سینه  خیانت ایلر

وهّـابـی  پست  و  نکبت اوسته

اسلامه خطر چاتوب همیشه

عفریت    خیانتین    الیندن

هرکس اولا اهل عیش و عشرت

واضحدی کی بالیاقت اولماز

حیوان کیمی باشی آخورینده

اوندان  بیرینه  حمایت اولماز

همسایۀ  هود  و  یونس اولسا

حقه باش آگوب هدایت اولماز

انسان کی  یئدی  حرام لقمه

معلومیدی اوندا غیرت اولماز

انسانون آلار حرام خواری

اولـده  شـرافتین   الیندن

آیـا  ایلیوبسوز   هئچ  تفکر

باعث ندی خواریدور عربلر

علتیودی روز وشب یاتوبلار

غفلت  یوخوسیندا  بی ادبلر

رقاص و شراب و تار وتنبور

آماده  دی  صبح  اولنجا شبلر

اسلامی ساتوبدیلار یهوده

بش   فاحشیـه    ابـولهب لر

آزاده لرین امانی یوخدی

اشــرار  حکومتین  الیندن

ته  مانـدۀ  نسل   ابن  ملجم

دایر     ایلیوبلـه    نهــروانی

اهـریمنی    مقتـدا  بیلـن لر

ملحـد     تـانیـوللا    شیعیانی

فتوا ویریلوب کی مستحبدی

هرکس توکه بیلسه شیعه قانی

امکان  تاپا   بیلسه لر   یخاللار

محـرابه  دوبـاره   مـرتضانی

چون سیلی ییوبلدیلر مکرر

هر  یرده  بو  ملتین الیندن

 

واضحدی کی شیعه ال چکنمز

قاندان  یازیلان رویه سیندن

دوزدور کی  یهود  ،  شیعیانون

بهـره  آپاروب  تقیه  سیندن

دوزدورکی اولاردا واردی کینه

خیبرده  علی  قضیـه سیندن

امـا گیچـه  بیلمروک   بو  دفعه

زهرا  هله  یوخ  رقیه سیندن

بیر تو دهنی ییر وهابی

قاره گین امتین الیندن

بـانی  سـوزه  رقیـه  اولدی

چوخ گورمه بیزه اونی خدایا

ویرانه ده گوزیاشین توکردی

گل   صورتی اوسته مثل دریا

سسلردی بابا داریخدی قلبیم

سنسیز  منه  تنگیدور  یو دنیا

گل هارداسان آی عزیز زهرا

گوزلور  سنی  بو  کنیز  زهرا

قوللاریمه چوخ دگوبدی قمچی

عمـــال  شقـاوتین     الینـدن

خیمه قاباقیندا قول ویردون

گللم     سنی  شامیـدن  آپاررام

بیلسم گله جکسن هانسی یولدان

گوزیاشی توکوب یولی سوررام

قوللاریمون آچسالار طنابین

مین  داغ آرامیزدا اولسا یاررام

گلسون ئوپرم دوداقلاروندان

منـده  بو عـذابیدن  قوتاررام

ئولسم  بابا  بو خرابه یرده

دینجلم  اسارتین  الیندن

جوشی احوالات حضرت رقیه (س)اثر آقای غفاری

ای قلبیمون قراری  لایلای رقیه لایلای

عاشقلرین     نگاری  لایلای رقیه لایلای

سینم سنون یروندی تپراقلار اوسته یاتما

دیلدن دوشن قناری لایلای رقیه لایلای

 

گوز یاشلارون آخاردی غم سایه سین سالاندا

اوخشاردون  آغلیاردون   منلن  اویاق  قالاندا

هئچ بیلمدون نه چکدیم مین  یول ئولوب دیریلدیم

غـارت  گونی  حسینیم  گوشـوارووی  آلاندا

 

اولماز بی بون ئولونجک بیر ثانیه محن سیز

آیا نجه  گیدیم  من کرب  و  بلایه  سن سیز

اولسیدی فرصت الده ساچدان کفن توخوردوم

نسگیلدی  گیتسه قبره گل پیکرون کفن سیز

 

 

یولـداشلارون  گلوبلـر ویرانسرایـه مهمان

دیل یاره سی ووروب کیم الآن اولوب پریشان

دورعیبی یوخدی نینک بوقیزلاری باغیشلا

قویما  اولا  عزیزیم  یولداشلارون  پریشان

 

ای  دشت  کربلانون یورقون مارالی لایلای

قلبون  کیمی  اولوبدی قلبیم  یارالی لایلای

قوی بیر ئوپوم دویونجاق سیلی دگن   یوزوندن

قبره   گئجه  گیدورسن  زهرا  مثالی  لایلای

 

هرسن توکنده گوز یاش مین لاله اولدی پرپر

هر سن  دئینده  بابا  بش  قمچی  آچدی  شهپر

قـوللارووی  ئوپنـده   یـوللاردا   تازیـانـه

آغلاردی  یانه یانه   سر نیزه   اوستـه  اکبـر

زبانحال حضرت رقیه (س)

 

دختری هستم سه ساله  بسکه  غصه خورده ام

چون گل طوفان زده از رنگ و رو افسرده ام

 

عمه ام  از چشمۀ  چشمان  خود آبم دهد

تا شکوفاتر شـوم   بسکـه  ز  دل  پژمرده ام

نیمه  شبها  بسکه  با  سوز  و  نوا  کردم نوا

طاقت  و  تاب  از دلِ عمه به یغما برده ام

زحمت خود زجر عمه دیگرم پایان گرفت

حال سر  در  خاک  زندان خرابه مرده ام

چون کفن در دفن وکفنم بحرمن پیدا نشد

معجری  از عمۀ  خود  یـادگاری  بـرده ام

 زبانحال حضرت زینب(س)در شهادت حضرت رقیه (س)اثر آقای هادی

تراب   اوسته یات  وفالی بالام یات

بو دنیانی  آت    عـزالی  بالام یات

کیچک قلبونده بیوک یارا واردی

یورولمشدون یات یارلی بالام یات

عزالی ستاره بالام لایلای       ایاقلاری یاره بالام لایلای

 اجل   گزدی    کوبکـو   سراقوندا

سنی تاپـدی درد و غملی چاقوندا

یوزون نیلی قاره گوزلری یومدون

اوروگون تک وار  یارون  ایاقوندا

سنی دلدن غم سالوبدی  رقیه

اولوبسان عمون قالوبدی  رقیه

کفن یوخدور جسموه بو که زینب

جنازون یـرده  قالوبدی  رقیه

قنادی   باغلی  چمن سیز ئولن وای

گوزی یوللاردا وطن سیز ئولن وای

آدی   شهـزاده   ئولنـده  ولیکن

خرابه یرده  کفن سیز  ئولن وای

سولوب  رنگون  لالیه  گله بنذر

ساچون یرده توزلی  سنبله بنذر

سالوب قمچی جسموی ایله حاله

پری سنمش   خسته   بلبلـه  بنذر

 

غمون دردون قلب زاریمی  داغلور

منه   هر  بیر راه   چاره نی باغلور

گورنده   قمچی   یرین  بدنونده

سنه گوز یوخ قان اولان اورک آغلور

 

قالوب آواره بی بیون باشون اوسته

دیور   لایلای   ای قناری   خسته

ئولنجک آغلار بو حالوه    زینب

گوزون یومدون خسته  قلبی شکسته

توکوب چوخ باران بو تپراقا ابرون

بیتوب لاله طاق اولوب ولی صبرون

کفن تاپسام  قبـره جسموی  قویسام

ننم تک کاش بیرگون ایتمیه قبرون

 

داخی سنسیز نیمه شب هاییم اولماز

مداریمده  اولدوزم   آییم  اولماز

سنون تک کیم دوزلی اوخشار  حسینی

بو گوندن دای اوخشاما پاییم اولماز

 

هیچ اولدوز گوگده قالوب صبه چاتماز

باتار اولدوز  نیمـه  شب  ولی  باتماز

یوروب  یوللار  قمچیلر  سنی ای گل

یاتـار   یورقونـلار   ولی  بیلـه  یاتماز

 

الیم   سندن   آی گلـوم  اولوبدور

گوزون اوستنده مژون دوزولوبدور

ننم گویـا مغسل   اوستـه   یاتوبدور

او قانلی گوز تک گوزون سوزولوبدی

 

سنه ئولمک ختم  درد و غم اولسون

سینان دلدن دردو غصه کم اولسون

اوچوق ویرانون بو غربت ایل ایچره

بو پوزقون  قبر  اوستنه حرم اولسون

خروج اهل بیت از شام اثر آقای هادی

ای خوش گونه حسرت قالان عالمده رقیه

آز عمـری  گچن   محنت  و مـاتمده رقیه

 

دور یثربه رجعت ایلیور شامیدن عمون

ظاهرده چیخور مرکز ظلامیدن  عمون

قوتارمیوب   اما  گنه   آلامیدن  عمون

پیچیده دی  رنج و  محن و غمده رقیه

ویرانه سرا چون گل خوش عطرین  آلوبدی

یول اوسته اوزی قلبی مزارونده قالوبدی

قارداشلاری الده ئولن عمون قوجالوبدی

مستغـرق   اولوب  محنت  اعظمـده رقیه

غـرق  غم  اولـوب  زینب   نالان  اَلَندن

دایم اورگیم  قاندی بو چرخین عملندن

دامانـوی  سن گل  بی بوون آلما الندن

دور   همسفریم   اول  گنه  سینمده رقیه

دردون اورگیمدن گچه  مین ائلده کیچلمز

غم دوده لرین خانۀ   دلدن  بیری سیلمز

آیریلام  اوزوم  سندن اورک آیریلا بلمز

قلبیم ایلشوب طـرۀ خم خمـده رقیه

سینم دولوسی محضروه اوتلی سوزوم وار

فاش ایلمسم منده مگر درده  دوزوم وار

تپراقه ده گیتسون او قرا گوزده گوزوم وار

چوخ  سوز واریدی  دیدۀ پر نمده رقیه

آغلاردون عزیزیم الون الدن اوزولنده

قاره گوزوون یاشی   جماله  سوزولنده

کیپریکلرون میله سی اوسته   دوزولنده

شرح  غـم  گـل  ثبتیـدی شبنمده رقیه

غم رعدی گئجه یاری دل نازه  شاخاندا

یوللاره گوزون حسرتیلن غملی   باخاندا

آغلار گوزون اشگی سولان یوزدن آخاندا

اولمازدی  ایله  منظـره  زمزمـده  رقیه

 نوحه جوشی

حضرت رقیه (س)اثر آقای هادی

لایلای گلوم غملی بلبلوم             لایلای تلی توزلی سنبلوم

یارالی یارالی یارالی لایلای

ایلمون یارالی مارالی لایلای

یوروب سنی محنت و بلا                  گتـدی  جانـا درد کربلا

یومدون قیزیم بوگئجه گوزون                            ویرانه ده  قوزانوب  نوا

 

ستاره تک باتدون آی بالا                نه تز منی  آتدون آی بالا

دونن گئجه هیچ یانانمدون                ندن بیله  یاتدون  آی بالا

 

غمون  یانان  قلبی داغلیور             گوزوم یوزه اشگی باغلیور

همشیه  بیز  با هم آغلادوق               بی بون سنه سن سیز آغلیور

 

کئچن گئجه دوتدی غم سنی      هی اوخشادون تشنه سوسنی

قولاقیمه بعضی سوز   دئدون        اوسوزلرون   یاندیـرار  منی

 

 

بو دردوی   من  آتانمورم                آیری غمه هیچ قاتانمورم

دئدیم قیزیم بسدی آغلاما                دئدون بی بی آچ یاتانمورم

 

سنوب سنون خرداجا پرون         چیچک آچوب خسته پیکرون

قـراریمه  اود سالوب منیـم         قالوب  قیزیم   باغلی  اللرون

 

ای آج سوسوز خجسته جان ویرن           آتاباشین یاره لی  گوره ن

چیخاندا جان ای بابا دئین            خرابـه ده  غصـه لی  ئولن

 

اولاندا  گول  آغلارام سنه              سولاندا گول آغلارام سنه

بهـار گلوب   باغچادا  بارا                دولاندا گول آغلارم سنه

 

 دئینده وای  آغلارام سنه                آخاندا چای آغلارام سنه

گئجه یاری بو گئجه کیمی                  باتانـدا آی  آغلارام  سنه