شعر ترکی
نوحه- جوشی حضرت ابوالفضل(ع)
گل علمداریم ئولدی زینب سینه ور باشه قاره باغلا
گیت اوتور غملی خیمه سینده ئوز آناسیندان آرتق آغلا
آغلیون لبلرینده قان ئولمگینه
داغلیون سینوزی جوان ئولمگینه
یارالی قارداشیم لایلای وفالی قارداشیم لایلای
پر آچوب دسته دسته پیکان سینه سین ایلیوب زیارت
بیر سه پر اوخ یولین اگوبدی ساغ گوزیندن ایدوب اصابت
ساغ گوزین سال مدینه آئینه سینه
اوخشیور ئوز ننه میزین سینه سینه
یارالی قارداشیم لایلای
وفالی قارداشیم لایلای
مرکبیندن یره دوشوبدی سجدیه پیکری یارالی
گوئیا سجده اوسته حیدر ذکر اوخور لبلری یارالی
وای منه غنچادان ساری اوخلاندی گول
من گورن هیچ دونن کی عباسیم دگل
یارالی قارداشیم لایلای
وفالی قارداشیم لایالی
سینه سی اوسته قانلی پرچم ایلیور بیر سوزه اشاره
گوئیا قول بویون یاتوبلار عاشقانه مه و ستاره
تک آدین کل کایناته ویرمرم
بیر توکین مین بیله فراته ویرمرم
یارالی قارداشیم لایلای
وفالی قارداشیم لایلای
سسلدیم آی یارالی شیریم آچ گوزون مه لقا ابوالفضل
من حسینم مه منیریم یاتما دور باوفا ابوالفضل
قیزلاریم تلین اوسته گوزلور یولوی
کیم سالوب نهر علقم اوسته قولوی
یارالی قارداشیم لایلای
وفالی قارداشیم لایلای
گلدی بیردن حزین صداسی آغلادی اصغری سوروشدی
تلین اوسته سو جامی الده تشنه لب گوللری سوروشدی
وای دیدیم گوللریم فدا گوزلروه
تشنه لب اصغریم فدا گوزلروه
یارالی قارداشیم لایلای
وفالی قارداشیم لایلای
من دیدی سن ئوزون بیلورسن عاشقم آدوه حسین جان
نوکرون گونده مین یول اولسون سن کیمی قهرمانه قربان
عفو ایله قلبوی اگر سیندریام
زینبی من فقط سنه تاپشوریام
یارالی قارداشیم لایلای
وفالی قارداشیم لایلای
دانلود مداحی های آذری از مداحان مختلف